Asteburuan Izaban Euskal Herriko mendi eskiko txapelketak jokatu dira, bakarka eta krono igoerako modalitateetan. Larunbatean Belagua eta Zuriza artean dagoen Txamantxoia mendira bi igoera eginez jokatu genuen bakarkako lasterketa. Hau Wilfrid Jumere eskiatzaile frantziarrak irabazi zuen arren, bigarren postuan Iñigo Lariz sailkatu zen Euskal Herriko txapelketa lortuz. Hirugarren postuan Javier Tirapu naparra helmugaratu zen eta laugarren postuan Lander Alvarez donostiarra euskal podiuma osatuz.

Igandean igoera bakarrari egin behar izan genion arre eskiatzaileok. Aurreko astean egindako elurteak ibilbide berezia egiteko aukera baliatuz, Izaba bertatik irtenda Ardibidepikua deritzon igoera burutu genuen. Bertan Iñigo Lariz izan zen lasterketan bizkorrena, Wilfrid Jumere frantziarraren aurretik sailkatuz. Euskal podiuma Aritz Ejea gipuzkuarrak eta Javier Tirapu naparrak osatu zuten.