Martxoko 9-10 asteburua! VII Durangoko Duatloia!

Aste osoa duatloirako azkeneko prestaketak egiten eman genuen. Asteburua goizean goizetik hasi zen MugarraTT-ko kideentzat, prestatu behar zirelako boxeak,etab. Antolatzeaz aparte gure proban mugarrako 8 kidek hartu zuten parte. Domekan Basauriko duatloia ospatu zen ere eta bertan mugarrako beste kide bat izan genuen. Iñigo Lariz-ek aldiz Regil-eko trabesian hartu zuen parte asteburuan.

Kronika hasi aurretik, eskertu nahi dizuegu zapatuan Durangora hurbildu zineten pertsona guztiei, bai partaide zein animatzaileei. Zuek barik ezin izango litzatekeelako posible izan gure Duatloia. Mila esker benetan!

Durangoko duatloian parte hartu zuten mugarrako kide guztiek, lasterketa ezin hobea burutu zuten. Gurutze Frades Euskadiko duatloiko distantzia laburreko txapelduna izan zen. Neska guztien artean lehena gelditu zelarik. Oier Ariznabarretak aldiz, podiumeko bigarren kutxa okupatu zuen 238 pertsonak amaitu zutelarik lasterketa. Gorka Bizkarra 8. Sailkatu zen eta Roberto Corujo 15. tokian. Hiruren denborak gehituta, Mugarra Triatloi taldeak podiumaren bigarren kutxatila hartu zuen taldeetako sailkapenean. Ion Koldo Urienek  eta Unai Urienek ere bigarren koska lortu zuten “veterano 2”  eta “sub23M” mailetan, 47 eta 59 garren sailkatu zirelarik mutil guztien artean. Gonzalo Barturen 57. gelditu zen eta Aitor Olivares 78 garren. Zorionak guztioi!

Domekan Gorka Bizkarrak berriro beste duatloi bat egin zuen, kasu honetan Basauriko Duatloia. Bertan ere postu oso ona lortu zuen. 9. sailkatzea lortu baitzuen lasterketan. Zorionak Gorka!!

Bukatzeko, Iñigo Lariz-ek Mikel Navarrorekin batera, Andres Regil-eko travesia irabaztea lortu zuen. Eta horrela Euskadiko bikotekako eski txapelketa irabaztea lortu zuen Iñigok. Zorionak Iñigo!!

Beste asteburu bat Mugarrako kide askok podiumera igotzea lortu dutena. Aupa MugarraTT!!

Hemen uzten dizkizuegu Durangoko duatloiko argazki batzuk:

https://www.facebook.com/media/set/?set=a.10200429859764148.1073741827.1085886604&type=1

https://www.facebook.com/media/set/?set=a.481364998583374.1073741827.100001296354060&type=1

https://www.facebook.com/media/set/?set=a.278775692255127.1073741825.100003680940526&type=3

Eta Hemen uzten dizkizuegu, Gurutzek eta Gorkak egin duten kronika Durangoko duatloiko lasterketari buruz:

http://gurutzefrades.com/2013/03/11/campeona-de-euskadi-de-duatlon-en-casa/

http://gorkabizkarra.blogspot.com.es/2013/03/primer-objetivo-de-la-temporada.html

Sorte on Oñatiko Duatloian parte hartzen duten Mugarrako Kideei!!