Ironman Austria 2016

Wörthersee  lakuaren baztar batean dagoen Klagenfurt herrian ospatzen da Austriako Ironmana. Eta hemen ere izan dira gureak! Beñat, Jon Urien (Potxi), Txema eta Ester Ironmana egiten eta konpainia supporter lanetan.

Gure ironmen eta ironwomen-ek aipatu dutenez, Ironman honek antolakuntza ezinhobea omen du, bideak itxi eta jende mordoa animoak ematen. Lekua ere zoragarria, oporretan joateko modukoa. Probari dagokionez, bizikleta tartearen gogortasuna aipatu dute, gora-behera eta kurbaz josia eta euriak are arriskutsuagoa egiten zuena. Amaieran, anbulantzia lartxo ikusi omen zituzten, leher egindako kirolariak artatzen.

Gure txapeldun guztiak, onik heldu ziren helmugara, ez da balentria txikia hauek egindakoa!

Zorionak danoi!