Espainiako triatloi txapelketarako sailkapena

Uztailaren 8an ospatu zen Almazán-en (Soria), Espainikako Triatloi Txapelketan aritzeko azken sailkapen lasterketa.  Irailean Balentzian ospatuko den txapelketarako sailkapena lortu zuen Irene Loizatek.

Jarraian bigarren postua (eta beraz sailkapena) lortu zuen  Irene Loizateren hitzak:

Iragan larunbatean Soriako Almazan herrian izan zen espainiako triatloi txapelketarako sailkatzeko azkeneko lasterketa. Aurrerengo hamabiak sailkatzen ziren, eta beraz helburua hamabi horien artean egotea zen, baina ez nirea bakarrik, noski, baizik eta parte hartzaile guztiona!
Lasterketa aitzin egindako ekaitzak marroitutako, eta arrama eta belarrez betetako, Duero ibaian 750 metrotako igeriketarekin hasten zen lasterketa; gero, trantsizio luze baten ondotik, bizikletan 7 kilometrotako hiru itzuli -zirkuitu errazean- eta finitzeko 5 kilometro korrika, 2,5km tako itzuli bi, erdia lokatz artetik -krosa iduri- eta beste erdia herri barrenetik, 100m tako igoera gogorrarekin.
Igeriketa nahiko azkarra izan zen eta guztiok talde txikitan -hiru edo lau pertsonakoak- banatuta irten ginen uretatik, neu 15. uste dut irten nintzela, beste hirurekin batera -gutxienez hiru aurreratu behar nituen beraz-. Bizikletan aurreko talde biak harrapatu eta korrika egitera 11 lasterkari batera jaitsi ginen; aurretik beste lau zihoazen. Ahalik eta azkarren egin nuen korrika -lokatz artean ibiltzea krosetan ikasita dut eta!- eta bigarrena izan nintzen helmugaratzen, lehenengoagandik 15 segundo ingurura.

Zorionak Irene!!