Espainiako Duatloi Txapelketa 2017

Tags :

Category : Lasterketak Mugarra Triatloi Taldea

Apirilaren 1 eta 2an ospatu zen 2017. Espainiako Duatloi Txapelketa La Val d’Uixó-n (Castellon).

Espainiako Duatloi Txapelketa 2017. La Vall d’Uixó

Hiru Mugarrakide izan genituen bertan: Paul Bereziartua, Lide Azueta eta Irene Loizate. Beste euskal kirolari parea ere izan ziren bertan lehian: Ander Ganzabal eta Unai Zabala.

Txelaren esanetan, kirolarien maila izugarria izan zen eta giro bikainean ospatu ziren probak. Kadeteek, hemen ohikoa ez dugun distantzian lehiatu ziren: 2.5km lasterrean, 10km bizikletan eta 1.25km azken lasterraldian. Paulek,  kadete mailan 14. postua lortu zuen. Lidek, junior mailan (5km / 22km / 2.5km)  26. eta Irene, elite mailan (5km / 22km / 2.5km) 13. eta sub 23an 4.

Zorionak gure kirolari guztiei!

Amaitzeko, gaur bertan jakin dugu Espainiako selekzioan parte hartzeko gonbitega jaso duela Irene Loizatek. Apirilaren 29an Sorian ospatuko den Europako Duatloi Txapelketarako deitu dute.

ZORIONAK IRENE!!!

Gernikako XXII. Duatloia

Tags :

Category : Lasterketak

Aurreko aste honetan Durangoko X. Duatloia prestatzen buru belarri ibili garenez, apenas izan dugu denborarik blog honetan martxoaren 18an Gernikan jazotakoa kontatzeko. Eta badago zer kontatu: Gernikako nazioarteko XXII. duatloian bost sari jaso baikenituen.

Gernikako Duatloian, familia argazkia. Egilea: festak.com

Zazpi Mugarrakidek eman zuten izena Gernika-Lumon:

  • Lide Azueta  JNF
  • Telmo Barrutia CDM
  • Paul Bereziartua CDM
  • Irea Gallastegi  CDF
  • Josu Kortabarria V1M
  • Gorka Pagonabarraga CDM
  • Unai Villagrasa CDM

Eta esan bezala, sailkapenari dagokionez, bost sari eskuratu zituzten gure kirolariek: Irene Loizatek Elite mailako kategorian txapela lortu zuen 1:07:42 denborarekin.  Lide Azuetak, Irea Gallastegik eta Paul Bereziartuak ere, junior eta kadete mailetan lehendabiziko postuak lortu zituzten. Taldekako klasifikazioan ere, lehendabiziko lekua eskuratu zuten gure neskak.

Egunean ateratako zenbait argazki eskuragarri hemen

Gernikatik Altsasura jauzi eginez, martxoaren 18an ere, sprint luzerako Altsasuko VII duatloia burutu zen. Bertan izan ziren Ander eta Eneko Goñi aita-semeak. Eneko Goñik kadete mailan lehen postua lortu zuen.

Altsasuko VII. Duatloia. Goñitarrak.

 

Oñatiko XXVI. Duatloia

Tags :

Category : Orokorra

Martxoaren 12an ospatu zen luzeera laburreko Oñatiko XXVI Duatloia (Gipuzkoa eta Euskadiko Txapelketa) . Euripean jo eta ke izan genituen Mugarrakide parea:  Jose Ángel Domingo eta Juan Bediaga.

Hemen dituzue sailkapenak. Eta barre apur bat egin nahi baduzue, hemen Joseba Plagaroren kronika.

Zorionak bikote!

Basuriko XXI. Duatloia

Tags :

Category : Lasterketak

Martxoaren 5ean ospatu zen sprint luzerako Basauriko XXI. Duatloia. Bertan izan genituen hainbat Mugarrakide, artean katede mailan aurten gogotsu estrenatu diren gure gaztetxoak:

  • Bittor Altube (CDM)
  • Lide Azueta (JNF)
  • Telmo Barrutia (CDM)
  • Paul Bereziartua (CDM)
  • Jose Angel Domingo (V1M)
  • Aitor Iraurgi (CDM)
  • Eneko Letamendia (CDM)
  • Gorka Pagonabarraga (CDM)
  • Unai Villagrasa (CDM).
Argazkia: Festak.com

Sailkapenei dagokionez, Paul eta Gorkak bigarren eta hirugaren postuak lortu zituzten hurrenez hurren kadete mailako kategorian.  Lide Azuetak ere, hirugarren postua lortu zuen bere kategorian.

Zorionak danori!

Hemen egunean ateratako hainbat argazki:

https://www.facebook.com/media/set/?set=a.1877353145874956.1073741906.100008008668039&type=3

Mungiako IX. duatloia

Tags :

Category : Lasterketak

Otsailaren 25an ospatu zen Mungiako IX. Duatloia, sprint luzeerakoa. Eguraldia lagun zutela, hainbat Mugarrakide izan ziren bertan:

  • Bittor Altube (CDM)
  • Telmo Barrutia (CDM)
  • Paul Bereziartua (CDM)
  • Irea Gallastegui (CDF)
  • Ander Goñi (V1M).
  • Eneko Goñi (CDM)
  • Josu Kortabarria (V1M)
  • Gorka Pagonabarraga (CDM)
  • Unai Villagrasa (CDM)
Egilea: Malen Goñi

Emaitzei dagokionez, Irea eta Paulek lehen postuak lortu zituzten kadete kategorian.

Ander Goñik, bere lehen duatloiaren aitzakian ere idatzi du kronikatxoa bere blogean.

Hemen egunean bertan ateratako zenbait argazki:

https://www.facebook.com/media/set/?set=a.1236460106435872.1073741851.100002156823903&type=3

 

Loturak

Facebooken ere bagaude ;-)

Facebooken ere bagaude ;-)

Azken bidalketak

Artxiboa

© Copyright 2020. All Rights Reserved