Martxoaren 4an ospatu zen Basauriko XXII. Duatloia. Bertan izan genituen Lide Azueta (SUB23F), Telmo Barrutia (CDM), Oier Bedilauneta (CDM), Paul Bereziartua (JNM), Jose Angel Domingo (V2M), Mikel Gonzalez (CDM), Aitor Iraurgui (CDM) eta Unai Villagrasa.
Lide eta Mikelek bizikletan erorikoa izan zuten. Lidek aurrera jarraitu eta bere kategorian lehen postua lortu zuen. Mikel, aitzitik, karrera utzi zuen.
Hemen Txela Bereziartuak ateratako argazki batzuk:
Basauriko Duatloiaren bezperan, larunbatean, Bittor Altube (CDM) eta Ander Sarriugartek (CDM) Eibarko XXVII. Duatloian parte hartu zuten, eta hurrenez hurren, bigarren eta hirugarren helmugaratu baziren ere, ez dugu probako argazkirik jaso.
Hemen Emi Letamendiak Facebooken jarritako zenbait argazki:
https://www.facebook.com/media/set/?set=a.2049772581966344.1073741946.100008008668039&type=3
Antton eta Txema MugarrakideaK Antzuolan izan ditugu, bertan ospatu den VI. Antzulako 8 Miliak mendi lasterketan. Txemak aipatu duenez oso lasterketa polita omen da, giro onean burutzen dena. Irimo mendia igo eta jaitsi beharra dago pista eta bidezidor erraz gutxi eta harri labainkor ugari.
Kadete / emakumeak: Irea Gallastegik bigarren postua.
Kadete / gizonezkoa: Paul Bereziartuak lehen postua.
Kadete / gizonezkoa: Gorka Pagonabarragak hirugarren postua.
Zorionak 2017 urtean batean eta bestean aritu zaretenoi, sariak lortu dituzuenoi eta saridun postuetatik urrun ibili arren, eginiko kilometro bakoitza gozatu eta sufritu duzuen guztioi!
2018.02.13 eguneraketa: Hemen Facebooken agertu diren zenbait argazki:
Ekainaren 20an burutu zen Durangon Euskadiko Triatloi Federazioak antolatu zuen denbora-marken neurketa. Espresioak, bere hortan ezer gutxi esaten du, eta gazteleraz ere “toma de tiempos” esanda, ezer gutxi ulertuko du kirol mundutik at dagoen edozeinek.
Kadete eta junior adinetan dauden gazteei zuzendutako proba da hau, 2018 urtean egonda, 2001-2003 urte tartean jaiotakoentzat (kadeteak) eta 1999-2000 urteetaan jaiotakoentzat (juniorrak). Kirolari bakoitzak lau saio burutzen ditu goiz eta arratsaldez; goizetik, igerian egindako distantzia bitan lortutako denborak jasotzen dira eta arratsaldez, lasterrean egindako beste saio biren emaitzak.
Eginiko froga bakoitzak puntuak ematen ditu neurtutako denboraren arabera (1etik 10era), eta horrela, lau saioak burututa, kirolariak puntuazio jakin bat lortuko du. Puntuak jasotzeko lortu beharreko markak ez dira nolanahikoak… ikusi bestela hurrengo taulan gizonezkoen kilometroko korrika saioari dagokion taula:
Printzipioz, hau da federazio batek lurralde jakin batean kirolari gazteek duten maila jakiteko moduetako bat. Beste lurralde batzuetan jasotzen diren neurketak ere publikoak direnez, erraza da batzuekin eta besteekin parekatzea eta norbera non dagoen jakieta. Informazio hau eskutan, federazioaren esku gelditzen da hobetu daitezkeen jardunak identifikatzea eta teknifikazio saioen bidez kirolarien mailan eragitea.
2018. denbora hartzean parte hartu duten gazteak. Argazkia: Uxue Letamendia.
Ez da kasualitatea denboren hartze hau Durangon ospatu izatea. Mugarra Triatloi Taldea izan zen Euskadiko Federazioa proba hauek egitera bultzatu zuena orain dela lau urte. Durangon antolatu dugun saiora Bizkaia, Araba eta Gipuzkoatik etorritako hainbat gazte urbildu dira. Gazte hauek dutena eman dute eta batzuk puntuak lortu dituzte (erdiak) eta beste batzuk ez. Beste lurralde batzuetan egiten den bezala, orain federazioaren esku dago gazte hauen lanari bultzada eman eta euren kirol garapenean laguntzea.
You must be logged in to post a comment.