Bermeo eta Debako triatloiak
Category : Lasterketak
Aurreko asteburuan ospatu ziren Bermeo eta Debako triatloiak.
Larunbatean, XI Bermeoko Campos Triatloia – Rafa Memoriala. Ion Ander Mitxelena, Jon Mateos eta Juan Bediaga izan genituen bertan.
Bermeon ateratako zenbait argazki eskuragarri hemen
Igandean, Debako triatloia ospatu zen, hau ere sprint luzeerakoa. Bertan, 14 Mugarrakide izan genituen leihan. Gorliz eta Debako triatloitik ateratzen da Espainiako autonomien txapelketan arituko den Euskadiko selekzioa. Deban aritutakoek aipatu zuten igeriko atala luzea egin zela eta bizikletan, Lasturreko igoera gogorra egin zela. Lasterreko azken zatian ordea, bertaratu zen jende piloaren txalo artean ibili omen ziren.
Debatik ere ez ginen esku hutsik bueltatu: kadete mailan Paul Bereziartuak lehen postua eskuratu zuen, Juniorretan Lide Azuetak eskuratu zuen txapela eta beteranoen bigarren taldean, Txela Bereziartua izan genuen txapelduna!
You must be logged in to post a comment.