donostia – Mugarra Triatloi Taldea

2017-07-04
Ander Goñi
-

Almansa eta Donostian

Tags : almansa donostia espainiako txapelketa

Category : Lasterketak Mugarra Triatloi Taldea

Triatloi sasoia amaitzear dagoen honetan, oraindik ere badabiltza gureak batera eta bestera. Batetik, Almansan (Albacete), autonomia arteko Espainiako Triatloi Txapelketa ospatu zen ekainaren 24-25ean, eta bestetik, Donostian, Onditz Oroituz triatloi olinpikoa ekainaren 25ean.

Euskadiko selekzioak deituta, Aiala Garro, Irea Gallastegi, Paul Bereziartua eta Irene Loizate izan genituen Almansan. Aiala, Irea eta Paul kadete mailan aritu ziren eta Irene 23 urtez azpiko mailan.

Euskadiko Selekzioarekin Almansan, Espainiako Triatloi Txapelketa – Argazkia: Javi Gallastegi

Inguruko komunikabidetan ere eman dute gure kirolarien berri:

dotb.eus | Cuatro triatletas de Mugarra TT en el Campeonato de Triatlón con Euskadi
Mugalari.info | El futuro de la selección de Euskadi de triatlón pasa por el Mugarra

Almansan ateratako hainbat argazki hemen

Hasieran aipatu bezala, Donostian ere izan zen Mugarrakiderik lehian. Juan Bediaga eta Manolo Gonzalez (aka “el presi”) izan genituen bertan.

Manolo Gonzalez elmugaratzen. Argazkia: Festak.com

Juan Bediaga elmugaratzen. Argazkia: Festak.com

Egunean bertan atera ziren hainbat argazki hemen

2016-06-16
Ander Goñi
-

Zarautz eta Donostiako Triatloiak

Tags : donostia zarautz

Category : Lasterketak

Aurreko asteburuan, ekainaren 11-12an, hainbat kirol hitzordu izan genituen. Iskander Menorcan izan genuen, 25km. ur zeharkaldian, beste hainbat kide Zarautz eta Donostiako triatloietan izan ziren eta txikienak ere, Zarautzko triatloi txikian jo-ta-fuego ibili ziren.

Larunbatean Zarauzko Triatloi ospetsua ospatu zen. Distantzia erdiko proba, 2.9 km uger, 81 km bizikleta gainean eta 20 km lasterrean. Jone Aizpurua, Iskandar Alberdi, Elena Asenjo, Luis Mari Bereziartua, Jon Borrajo, Ibon Campo eta Ernesto Garcia izan genituen bertan.

Elenaren esanetan, lasterketa polita izan zen, eguraldia lagun, animazio handikoa eta maila handiko triatleta asko zegoenez, karrera azkarra. Entrenamentu ordu askoren fruitua jaso zutela gaineratu zuen Elenak, eta norbera ezeze, taldekideak ere bikain aritu zirenez, pozarren.

Probaren sailkapena, triatloi.org orrian.

Hemen egunean ateratako zenbait argazki:

« ‹ of 9 › »

Argazkien egilea: festak.com

Ekainaren 12an, igandean, Zarautzen ere, Triatloi txikia ospatu zen. Bertan Eneko Letamendia, Aitor Iraurgi eta Unax Hormaetxeak hartu zuten parte.

Hemen zenbait argazki:

Argazkien egilea: Emi Letamendia

Ekainaren 12an ere, Donostian, Donostriku Sprint Triatloia ospatu zen. Sprint nuerrikoa izanik, 750 metro igerian, 20 km bizikletan eta 5 km lasterrean burutu beharra zegoen. Bertan izan genituen Irea Gallastegi, Gorka Pagonabarraga, Josu Kortabarria, Eneko Goñi, Ander Goñi eta Jose Manuel Gonzalez.

Aurreko urterarekin alderatuta, bizikleta sektorean zegoen aldaketa; Igara auzotik, Igeldora igo behar izan zuten partaideek. Proba amaituta, hainbatek esan zuen aldapa gogorra eta luzea izan zela. Anderrek, bere blogean ere idatzi du probaren inguruko kronikatxo bat.

Probaren sailkapena, triatloi.org orrian.

Hemen zenbait argazki: